Fréttir

Í Alþingiskosningunum á morgun, 25. apríl, verður kjörstaður fyrir Hörgárbyggð í Hlíðarbæ. Kjörfundur hefst kl. 10:00 og honum lýkur kl. 20:00. Á kjörskrá í Hörgárbyggð nú eru alls 305 manns, 169 karlar og 136 konur. Í kosningunum fyrir tveimur árum, árið 2007, voru 285 á kjörskrá í Hörgárbyggð, 156 karlar og 129 konur. Fjölgunin nú miðað við þá er 7%. Þá var kosningaþátttaka 86,3% í Hörgárby...

Nú eru tvær skipulagsauglýsingar í gildi í Hörgárbyggð, þ.e. aðalskipulagsauglýsing og deiliskipulagsauglýsing. Í deiliskipulagsauglýsingunni eru auglýst tvö deiliskipulög, annað varðar byggingu skála fyrir ferðaþjónustu í landi Moldhauga og hitt byggingu íbúarhúss á Neðri-Rauðalæk. Auglýsingin er hér. Aðalskipulagsauglýsingin varðar niðurfellingu einnar setningar úr texta aðskipulagsin...

Leiksýningin „Stundum og stundum ekki“, sem Leikfélag Hörgdæla hefur verið að sýna að Melum í Hörgárdal frá því í byrjun mars, mun slá sýninga- og aðsóknarmet hjá leikfélaginu. Gamla sýningametið var 21 sýning á leikritunum „Þrek og tár“ og „Síldin kemur og síldin fer“. Aðsóknarmet verður líka slegið, því nú þegar hafa um 1.800 manns séð sýninguna. Leikritið hefur verið sýnt 20 sinn...

Árlega Magic-páskamót Íþróttamiðstöðvarinnar á Þelamörk og Vífilfells fyrir íþróttahópana sem æfa í salnum fer fram á skírdag.  Skráning fer fram kl. 10:00 og mótið hefst svo kl. 10:15.  Gert er ráð fyrir að mótinu ljúki milli kl. 12 og 13, það fer þó eftir fjölda liða. Nú þegar hafa 8 lið sagst ætla að koma. Verðlaun mótsins eru sem hér segir: 1. sæti: 4 k...

Á aðalfundi Veiðifélags Hörgár í gær sagði Bjarni Jónsson, fiskifræðingur, frá fyrstu heildarúttektinni sem gerð hefur verið á vatnasvæði árinnar.  Um er að ræða bæði lífríkisrannsókn og búsvæðamat. Meginniðurstaðan er að vatnasvæðið á að geta gefið mun meira af sér en að undanförnu. Úttekin mun koma að góðum notum við stjórnun á veiði og annarri nýting...

Fimmtudagskvöldið 2. apríl nk. verður árshátíð Þelamerkurskóla haldin með pompi og prakt. Boðið verður upp á ýmis skemmtiatriði, tónlistarflutning, dans og kaffiveitingar. 9.-10. bekkur mun sýna brot úr hinu vinsæla leikriti Ávaxtakarfan. Leikstjórar eru Anna Rósa Friðriksdóttir og Sigríður Guðmundsdóttir. Allir eru velkomnir meðan húsrúm leyfir. Aðgangseyrir er 1.000 fyrir 6 ára og eldri, kaffihl...

Á fimmtudaginn, 26. mars, verður leikritið „Stundum og stundum ekki“ sýnt á Melum til styrktar Krabba­meinsfélagi Akureyrar og nágrennis til minningar um Hólmfríði Helgadóttur sem lést langt um aldur fram þann 18. desember síðast­liðinn eftir langa baráttu við krabbamein. Eins og alltaf í tilfellum sem þessum vonuðu allir að henni tækist að yfirbuga óvininn. Sjálf hafði hún á því...

Á fimmtudaginn vann Þelamerkurskóli sinn riðil í Skólahreysti glæsilega. Í liði skólans eru (frá vinstri á myndinni) Daníel Sigmarsson, Björgum, Björgvin Helgason, Sílastöðum, Steinunn Erla Davíðsdóttir, Kjarna, og Þórdís Gísladóttir, Skógarhlíð 16. Aðrir skólar í riðlinum voru grunnskólarnir á Akureyri og Hrafnagilskóli. Lið Þelamerkurskóla mun keppa í úrslitum Skólahreystis sem fram fer í R...

Vegna mikillar aðsóknar verður afgreiðslutími Jónasarlaugar, sem er sundlaugin á Þelamörk, lengdur á laugardögum. Í mörg ár hefur sundlauginni verið lokað klukkan 18 á laugardögum, en frá og með næsta laugardegi verður þar opið til kl. 20. Aðsóknin að sundlauginni hefur verið mjög góð síðan endurbótum á henni lauk fyrir jólin. Fyrstu 10 vikur ársins komu um 12 þúsund manns í Íþróttamiðst...

Um síðustu helgi var Meistaramót Íslands í frjálsum íþróttum fyrir 11-14 ára. UMSE sendi 33 keppendur á mótið og endaði félagið í 2. sæti af 19 liðum í heildarstigakeppninni. Það er besti árangur UMSE á mótinu í mjög langan tíma. UMSE vann Íslandsmeistaratitil félagsliða í flokkum 12 ára stelpna og 13 ára stráka. Í stúlknaliðinu voru tvær stúlkur úr Smáranum, þær Eva Margrét Árnadót...