Styrkir til atvinnumála kvenna
Af heimasíðu Atvinnuþróunarfélags Eyjafjarðar
Árið 2005 er fjárveiting styrkja til atvinnumála kvenna kr. 25 milljónir.
Tilgangur styrkveitinga er einkum:
Vinnumarkaðsaðgerðir til að draga úr atvinnuleysi meðal kvenna
Efla atvinnulíf í dreifbýli og auka fjölbreytni í atvinnulífi
Auðvelda aðgang kvenna að fjármagni
Í umsókn verður að koma fram ávinningur af slíku samstarfi.
Mat umsókna
Umsóknir eru metnar af ráðgjafahópi félagsmálaráðherra.
Matið byggist eingöngu á þeim gögnum sem umsækjandi
leggur fram og er þá miðað við m.a.:
Er verkefnið kvennaverkefni, í a.m.k. 50% eigu kvenna
og stýrt af konum?
Felur verkefnið í sér nýjung sem getur verið atvinnuskapandi?
Eru markmið og verkáætlun skýr?
Eru markaðsáætlanir skýrar og raunhæfar?
Eru kostnaðar- og tekjuáætlanir trúverðugar?
Er verkefnið arðbært?
Hversu mikilvægur er styrkurinn til framgangs verkefnisins?
Veittir eru stofnstyrkir til tækja- og vélakaupa, þróunar og
markaðssetningar.
Ekki eru veittir styrkir til verkefna þar sem styrkveiting gæti
skekkt samkeppnisstöðu gagnvart aðila í hliðstæðum atvinnurekstri svæðisbundið.
Lögð er áhersla á nýsköpun og hún skilgreind út frá samkeppnisforsendum.
Vinnumálastofnun sér um útborgun styrkja og hefur eftirlit
með ráðstöfun þeirra. Eingöngu verður tekið við umsóknum
á rafrænu formi.
Nánari upplýsingar er að finna á heimasíðu Vinnumálastofnunar
Umsóknir
Umsóknum skal skilað á rafrænu formi á þar til gerðum eyðublöðum sem finna má á heimasíðu Vinnumálastofnunar
Upplýsingar veitir Margrét Kr. Gunnarsdóttir, Vinnumálastofnun
simi 515 4800. Atvinnu- og iðnráðgjafar atvinnuþróunarfélaga á landsbyggðinni veita ráðgjöf og upplýsingar við gerð umsókna. Einnig er bent á þjónustu Impru nýsköpunar-miðstöðvar á sviði handleiðslu til frumkvöðla og fyrirtækja. Sjá nánar á heimasíðu Impru á slóðinni www.impra.is.
Umsóknarfrestur til 28. mars 2005
Öllum umsóknum verður svarað skriflega.
Mat umsókna getur tekið allt að 2 mánuði.
Sé umbeðnum gögnum ekki skilað fyrir auglýstan umsóknarfrest og umsókn er ófullnægjandi, áskilur Vinnumálastofnun og ráðgjafahópurinn sér rétt til að hafna
umsóknum á þeim forsendum.