Fundargerð - 07. júní 2011

Menningar- og tómstundanefnd Hörgársveitar

 

4. fundur

 

Fundargerð

 

Þriðjudaginn 7. júní 2011 kl. 20:00 kom menningar- og tómstundanefnd Hörgár-sveitar saman til fundar í Leikhúsinu Möðruvöllum.

 

Fundarmenn voru: Árni Arnsteinsson, formaður, Gústav G. Bollason, Halldóra Vébjörnsdóttir, Hanna Rósa Sveinsdóttir og Solveig Lára Guðmundsdóttir. Auk þess voru á fundinum Skúli Gautason, menningar- og atvinnumálafulltrúi, og Guðmundur Sigvaldason, sveitarstjóri, sem ritaði fundargerð. Einnig var Lárus Orri Sigurðsson, forstöðumaður Íþróttamiðstöðvarinnar á Þelamörk, á hluta fundarins.

 

Þetta gerðist:

 

1.        Verkefni menningar- og atvinnumálafulltrúa

Menningar- og atvinnumálafulltrúi gerði grein fyrir helstu þáttum í störfum sínum síðastliðnar vikur.

 

2.        Umhverfisvika

Menningar- og atvinnumálafulltrúi gerði grein fyrir umhverfisviku sem stendur yfir 2.-10. júní.

 

3.        Málefni Íþróttamiðstöðvarinnar á Þelamörk

Forstöðumaður gerði grein fyrir málefnum Íþróttamiðstöðvarinnar á Þelamörk.

 

4.        Jafnréttisáætlun, framfylgd

Á fundi sínum 3. maí sl. gerði félagsmála- og jafnréttisnefnd svohljóðandi bókun: “Félagsmála- og jafnréttisnefnd samþykkti að vekja athygli fræðslunefndar og menningar- og tómstundanefndar á jafnréttisáætlun sveitarfélagsins og að óska eftir að nefndirnar sjái til þess að skilað verði til félagsmála- og jafnréttisnefndar greinargerðum um hvernig þeim ákvæðum, sem varðar hvora nefnd, verður framfylgt. Greinargerðirnar berist í síðasta lagi 15. ágúst 2011.”

Menningar- og tómstundanefnd samþykkti að óska eftir því að forstöðumaður Íþróttamiðstöðvarinnar geri greinargerð um framfylgd jafnréttisáætlunar fyrir Íþróttamiðstöðina og skili henni til félagsmála- og jafnréttisnefndar.

 

5.        Fjárhagsstaða menningarmála og æskulýðs- og íþróttamála

Lagt fram yfirlit yfir fjárhagsstöðu menningarmála og æskulýðs- og íþróttamála fyrir fyrstu fjóra mánuði árið 2011.

 

6.        “Sæludagur í sveitinni”

Rætt um framkvæmd “Sæludags á sveitinni” í sumar.

Menningar- og tómstundanefnd samþykkti að “sæludagurinn” verði haldinn 30. júlí 2011 og að menningar- og atvinnumálafulltrúi hafi umsjón með framkvæmd dagsins og að hann leiti samstarfs við félög í sveitarfélaginu um hana.

 

7.        Fundur með forsvarsmanna menningar- og tómstundastarfs

Rætt um fund með forsvarsmönnum menningar- og tómstundastarfs, þar sem m.a. menningarfulltrúi Eyþings komi.

Menningar- og tómstundanefnd samþykkti að stefnt verði að fundi 31. ágúst 2011 með forsvarsmönnum menningar- og tómstundastarfs í sveitarfélaginu.

 

8.        Aðalfundur Minjasafnsins á Akureyri

Lagt fram til kynningar boð um aðalfund Minjasafnsins á Akureyri, sem verður haldinn 8. júní 2011.

 

Fleira gerðist ekki – fundi slitið kl. 22:30.