Endurbætur á sundlauginni vígðar

Á föstudaginn, 9. janúar, kl. 14:30 verður sundlaugin á Þelamörk formlega tekin í notkun aftur eftir umfangsmiklar endurbætur sem gerðar hafa verið á henni undanfarna mánuði. Klippt verður á borða, vígslu-sundspretturinn tekinn og veitingar í boði. Allir eru velkomnir.

Sundlauginni var lokað í lok júní sl. vegna framkvæmdanna, en hún var svo opnuð til reynslu 10. des. sl.

Helstu verkþættir endurbótanna voru:

o nýtt hita- og klórstýringarkerfi og hreinsibúnaður fyrir sundlaug, heita potta, vaðlaug og lendingarlaug, þ.e. sér kerfi fyrir hvern stað

o öryggiskerfi með eftirlitsmyndavélum í sundlaugarkar

o jöfnunartankar fyrir hvern stað og sameiginlegur klórtankur

o nýjar lagnir að sundlaug og frá henni

o dúkur innan í sundlaugarkar

o nýtt gufubaðshús

o tveir nýir heitir pottar

o upplýsingarskjár í afgreiðslu