Atvinnu- og menningarnefnd fundur nr. 30
Miðvikudaginn 29. maí 2024 kl. 12:30 kom atvinnu- og menningarnefnd Hörgársveitar saman til fundar á skrifstofu Hörgársveitar.
Fundarmenn voru, Eva Hilmarsdóttir formaður, Ásta Júlía Aðalsteinsdóttir varaformaður, Vignir Sigurðsson, Jóhanna María Oddsdóttir og Jónas Þór Jónasson fulltrúar í nefndinni, Kolbrún Lind Malmquist og Daniel Ben Önnuson starfsmenn nefndarinnar og Snorri Finnlaugsson sveitarstjóri sem ritaði fundargerð.
Þetta gerðist:
- Erindi frá Verksmiðjunni á Hjalteyri
Lagt fram bréf frá Verksmiðjunni á Hjalteyri þar sem farið er yfir starfsemina. Nefndin fagnar gróskumiklu menningarstarfi Verksmiðjunnar og ítrekar stuðning sinn við félagið sem samþykktur var á síðasta ári.
- Framkvæmdir í íþróttamiðstöð
Lögð fram og farið yfir verkáætlun 2024 fyrir íþróttamiðstöð og sundlaug.
- Vetraropnun sundlaugarinnar
Umræða um opnunartíma komandi vetrar 2024-25
- Sumarhátíðir í Hörgársveit 2024
Kynning á hátíðum og fyrirkomulagi í ár. Sæludagurinn verður 22. júní og Fjölskylduhátíðin á Hjalteyri verður 3. ágúst.
Fleira gerðist ekki, fundi slitið klukkan 13:35