Félagsmála- og jafnréttisnefnd, fundur nr. 3

Þriðjudaginn 3. maí 2011 kl. 20:30 kom félagsmála- og jafnréttisnefnd Hörgársveitar saman til fundar í skrifstofu sveitarfélagsins í Þelamerkurskóla.

 

Fundarmenn: Elisabeth J. Zitterbart, Bragi Konráðsson, Jóhanna M. Oddsdóttir og Sunna H. Jóhannesdóttir í félagsmála- og jafnréttisnefnd og Guðmundur Sigvaldason, sveitarstjóri, sem ritaði fundargerð.

 

Þetta gerðist:

 

1. Námskeið fyrir félagsmálanefndir

Greint frá námskeiði fyrir kjörna fullltrúa í félagsmálanefndum og starfsmenn félagsþjónustu, sem haldið var af Sambandi íslenska sveitarfélaga á Akureyri 11. mars 2011.

 

2. Upplýsingagjöf um félagsþjónustu

Rætt um hvernig best sé staðið að upplýsingagjöf til íbúa sveitarfélagsins um þá félagsþjónustu sem er í boði í sveitarfélaginu. Fram kom að til stæði að breyta heimasíðu sveitarfélagsins í þá veru sem rætt var um á fundinum.

 

3. Jafnréttisáætlun, framfylgd

Rætt um næstu skref í framfylgd jafnréttisáætlunarinnar fyrir sveitarfélagið.

Félagsmála- og jafnréttisnefnd samþykkti að vekja athygli fræðslunefndar og menningar- og tómstundanefndar á jafnréttisáætlun sveitarfélagsins og að óska eftir að nefndirnar sjái til þess að skilað verði til félagsmála- og jafnréttisnefndar greinargerðum um hvernig þeim ákvæðum, sem varðar hvora nefnd, verður framfylgt. Greinargerðirnar berist í síðasta lagi 15. ágúst 2011.

 

4. Fjárhagsstaða félagsþjónustu

Lagt fram yfirlit yfir stöðu þeirra bókhaldsliða sem varða félagsþjónustu sveitarfélagsins.

 

Fleira gerðist ekki – fundi slitið kl. 22:05.