Fréttir

RARIK - fasröð löguð

Rafmagnstruflanir verða Í Hörgár- og Öxnadal sunnudag 15.12.2019 frá kl 11:30 til kl 12:00 þegar fasröð verður löguð.. Nánari upplýsingar veitir Svæðisvakt RARIK Norðurlandi í síma 528 9690 og kort af svæðinu má sjá á www.rarik.is/rof.

Þriggja fasa notendur í Hörgárdal og Öxnadal

Þriggja fasa notendur í Hörgár- og Öxnadal eru vinsamlega beðnir að hafa varan á að snúningsátt kann að vera röng eftir aðgerðir dagsins. Reynt verður að snúa við fyrsta tækifæri og verður það tilkynnt með eins góðum fyrirvara og hægt er. Nánari upplýsingar veitir svæðisvakt RARIK Norðurlandi í síma 528 9690

Rafmagni hefur verið komið á í Hörgárdal og Öxnadal með neyðarstreng.

Um miðjan dag í dag tókst loks að koma á rafmagni í Hörgárdal og Öxnadal, en þar hefur verið rafmagnslaust meira og minna síðan á þriðjudagskvöld. Starfsmenn RARIK hafa síðan á fimmtudag barist við að reyna að laga loftlínur beggja meginn í Hörgárdal til að freista þess að koma rafmagni á, það tókst því miður ekki eftir hefðbundnum leiðum m.a. vegna þess að mikið hafði hlaðist á línur sem liggja í gegnum þétt skóglendi. Til þeirrar neyðaraðgerðar var gripið í morgun að leggja háspennustreng ofanjarðar um tæplega kílómeters kafla milli bæjanna Skriðu og Lönguhlíðar og þurfti RARIK sérstakt leyfi til þess, vegna hættunnar sem því fylgir að láta háspennustreng liggja ofan á jörðu. Með þessari neyðaraðgerð tókst að koma rafmagni á nær alla bæi, en þeir bæir sem ekki eru tengdir rafmagni með þessum hætti hafa fengið rafstöðvar. Ljóst er að starfsmenn RARIK og aðstoðarmenn þeirra hafa lagt mikið á sig til að freista þess að koma rafmagni á. Vonast er til þess að nú sé þessu rafmagnsleysi lokið og á næstu dögum verður farið í það með viðkomandi aðilum að vinna úr því sem gerst hefur síðustu daga og tryggja með öllum ráðum að slíkir hlutir sem þetta rafmagnsleysi geti ekki endurtekið sig.

Rafmagnsleysi uppfærsla

Deilið sem víðast, sértaklega til þeirra sem eru í rafmagnsleysi Það var öllum mikið áfall þegar rafmagnið datt aftur út í gærkvöldi. RARIK er nú komið af stað með að fara aðra leið þar sem viðgerðin á Þelamörkinni hefur ekki tekist. Lagður verður kapall ofan jarðar vestan meginn í Hörgárdal til að ná tengingu við jarðstrengi við Mela og á þannig á að nást rafmagn á nær alla bæi. Ef allt gengur að óskum ætti að vera mögulegt að koma rafmagni á alla staði uppúr hádegi í dag. Ég er í sambandi við aðgerðarstjórn á Akureyri og veit að björgunarsveitir eru búnir að hafa samband við flesta ef ekki alla bæi og bjóða gashitara og annað. Ég bið ykkur endilega öll sem eruð í þessum ömurlegu aðstæðum að hika ekki við að hafa samband annað hvort við mig í 860-5474 eða aðgerðarstjórn í gegnum 112 og láta vita ef það er eitthvað sem við eða björgunarsveitir getum gert fyrir ykkur á næstu klukkustundum.

Sorphirða frestast

Vegna ófærðar verður tæming á endurvinnslutunnum frestað.

ENDURSKOÐUN SKÓLASTEFNU HÖRGÁRSVEITAR.

Samkvæmt ákvæði í skólastefnu sveitarfélagsins skal hún endurskoðuð nú árið 2019. Fræðslunefnd Hörgársveitar hefur hafið endurskoðunina í samvinnu við skólastofnanir sveitarfélagsins auk þess sem haldinn hefur verið opinn íbúafundur þar sem sveitungar voru hvattir til að eiga samtal um stefnuna.

Fundur - Aðalskipulag Hörgársveitar 2012 - 2024 – kynning á breytingartillögu á vinnslustigi

Kynningarfundur vegna breytinga á aðalskipulagi Hörgársveitar 2012-2024 verður haldinn í Hlíðarbæ miðvikudaginn 4. desember nk. kl. 20:00. Á fundinum munu fulltrúar sveitarstjórnar kynna skipulagstillögu á vinnslustigi í samræmi við 2. málsgrein 30. greinar skipulagslaga nr. 123/2010. Fundargestum gefst færi á að spyrja spurninga og koma athugasemdum er varða skipulagsbreytinguna á framfæri.

Heima­vist á Þela­mörk breytt í íbúðar­hús­næði?

Stefnt er að því að hús­næði að Laugalandi á Þela­mörk, sem áður var heima­vist fyr­ir Þela­merk­ur­skóla, verði breytt í hag­kvæmt íbúðar­hús­næði á næst­unni. Ásmund­ur Ein­ar Daðason, fé­lags- og barna­málaráðherra, og Snorri Finn­laugs­son, sveit­ar­stjóri í Hörgár­sveit, und­ir­rituðu í 23. nóv. s.l. vilja­yf­ir­lýs­ingu þess efn­is en yf­ir­lýs­ing­in fel­ur í sér aðkomu stjórn­valda að hús­næðis­upp­bygg­ingu í Hörgár­sveit.

Sundlaugin á Þelamörk, Jónasarlaug

Sjá opnunartíma:

Húsnæðisáætlun Hörgársveitar 2019-2027

Húsnæðisáætlun Hörgársveitar 2019-2027 var samþykkt á fundi sveitarstjórnar Hörgársveitar þann 26.9.2019