Fréttir

Ný deild tekin í notkun í Álfasteini

Föstudaginn 19. mars 2021 var opnuð ný 150 fm deild í leikskólanum Álfasteini sem inniheldur líka sérkennsluherbergi og glæislegan sal með aðstöðu fyrir hreyfingu og samveru. Í ljósi aðstæðna var opnunin lágstemmd í þetta skiptið og við gátum því miður ekki boðið foreldrum og öðrum íbúum að vera með okkur. Stefnt er á að hafa opinn dag í leikskólanum í vor og vonandi munu þá verða betri aðstæður til þess allir sem vilja geti komið og skoðað þessa glæsilegu aðstöðu.

Íbúakönnun vegna umhverfisstefnu

Skipulags- og umhverfisnefnd vill gjarnan fá álit ykkar og afstöðu varðandi ýmsa þætti í umhverfismálum. Eftirfarandi könnun er liður í vinnu nefndarinnar við gerð umhverfisstefnu fyrir sveitarfélagið.

Vinna hafin við gerð umhverfisstefnu Hörgársveitar

Á fundi sveitarstjórnar í október 2019 var skipulags- og umhverfisnefnd falið að vinna umhverfisstefnu sveitarfélagsins. Vinna fór rólega af stað 2020 og í lok árs samþykkti sveitarstjórn á ráða Sif Jóhannesdóttur sem verkefnisstjóra við gerð stefnunnar. Hún mun starfa með skipulags- og umhverfisnefnd, hafa umsjón með íbúasamráði og sinna öðru því sem lýtur að gerð stefnunnar. Í stefnunni mun birtast framtíðarsýn sveitarfélagins í umhverfismálum. Meðal viðfangsefna stefnunnar verða loftslagsmál, sorpmál og landnýting. Við gerð stefnunnar verður höfð hliðsjón af þeirri stefnu sem birtist í nýlegu aðaskipulagi sveitarfélagsins, landskipulagsstefnu og öðrum þeim stefnum og lögum sem tengjast eða skarast við innihald umhverfisstefnu. Leitað verður eftir viðhorfum og innleggi frá íbúum, með íbúafundi (eða fundum), könnun og drög að stefnunni verða birt á heimasíðu sveitarfélagsins. Íbúar geta hvenær sem er í ferlinu sent inn athugasemdir eða ábendingar á netfangið horgarsveit@horgarsvit og merkja það umhverfisstefna. Stefnt er að því að stefnan verði tilbúin í maí 2021.

Hörgársveit hlýtur jafnlaunavottun

Hörgársveit hefur hlotið jafnlaunavottun sem er staðfesting á því að jafnlaunakerfi sveitarfélagsins samræmist kröfum jafnlaunastaðalsins ÍST 85:2012. Meginmarkmið jafnlaunavottunar er að vinna gegn kynbundnum launamun og stuðla að jafnrétti kynjanna á vinnumarkaði.

Hlutfallslega mesta fjölgun íbúa á öllu Norðurlandi

Á undanförnum árum hefur íbúum í Hörgársveit fjölgað jafnt og þétt og árinu 2020 var fjölgunin hér sú hlutfallslega mesta af öllum sveitarfélögum á Norðurlandi öllu eða 5,2% og eru íbúar nú 653. Íbúar voru 557 í upphafi árs 2016 og hefur því fjölgað um 96 síðustu 5 ár eða um 17,2%.

Móttaka úrgangs og endurvinnanlegra efna.

Hörgársveit og Terra hafa gert með sér samkomulag sem felur í sér að íbúar sveitarfélagsins geta losað sig við úrgang hvort heldur er endur-vinnanlegur eða til urðunar á kostnað sveitarfélagsins í móttökustöð Terra við Hlíðarfjallsveg á Akureyri. Skilyrt er að um fasteignaeiganda sem greiðir sorphirðugjald í Hörgársveit sé að ræða og þarf viðkomandi að gefa upplýsingar því til staðfestingar. Viðkomandi gerir vart við sig við komu og fylgja leiðbeiningum starfsmanns. Allir farmar eru vigtaðir. Kvittað fyrir með nafni, kennitölu, heimilisfangi og símanúmeri. Terra gerir reikning á sveitarfélagið og fylgja honum rekjanlegar upplýsingar um notanda. Samkomulag þetta nær ekki til rekstraraðila í sveitarfélaginu sem áfram þurfa að greiða fyrir förgun enda eru þeir ekki greiðendur sorphirðugjalda til sveitarfélagsins. Það er von okkar að vel til takist og að notendur vandi til frágangs og forflokki farma sem skilað er. Opnunartími móttökustöðvar er frá kl. 8:00 – 17:00 alla virka virka daga. Lokað um helgar.

Einstaklingsbundnar smitvarnir

Almannavarnadeild ríkislögreglustjóra og embætti landlæknis brýna fyrir fólki að halda áfram uppteknum venjum um einstaklingsbundnar smitvarnir í ljósi þeirra smita sem eru í samfélaginu. Einnig viljum við vekja athygli á einkennum sem fylgja þessari veiru. Í viðhengi eru tvö veggspjöld sem við viljum hvetja ykkur til að kynna ykkur.

Hörgársveit 10 ára - samþykkt sveitarstjórnar í tilefni afmælisins

Sveitarstjórn Hörgársveitar samþykkti á fundi sínum þann 12. júní 2020, í tilefni af 10 ára afmæli Hörgársveitar, að sveitarfélagið hefji nú þegar undirbúning að því að gerður verði göngu- og hjólastígur frá Lónsbakka að Þelamerkurskóla, með samvinnu við Vegagerðina og Norðurorku og með breytingu á skipulagi og fleira.